Məxfilik siyasəti
8ulduz Azərbaycan və dünya xəbərlərini açıq mənbələrdən bir lentə toplayan xəbər aqreqatorudur. Bu səhifə sayt, Android və iPhone tətbiqləri istifadə edilərkən hansı məlumatın işləndiyini izah edir. Qısaca: hesab yoxdur, kuki yoxdur, şəxsi məlumat toplanmır və satılmır.
Android tətbiqi
Tətbiq 8ulduz.az saytını cihazınızdakı Chrome (və ya digər uyğun brauzer) mühərriki ilə tam ekranda açır. Tətbiqin özü heç bir məlumat toplamır, serverə göndərmir və reklam identifikatorundan istifadə etmir. Tətbiqdə gördüyünüz hər şey saytın özüdür, ona görə aşağıdakı qaydalar tətbiqə də aiddir.
- Bildirişlər. «Son dəqiqə» bildirişlərini yalnız siz «Bildiriş» düyməsinə basıb icazə verəndə alırsınız. Bildiriş cihazın özündə, saytın açıq xəbər siyahısından yaranır; heç bir serverdə abunəlik və ya cihaz identifikatoru saxlanmır. İcazəni istənilən vaxt Android parametrlərindən geri ala bilərsiniz.
- Brauzer. Tətbiqin açdığı brauzer öz məxfilik qaydaları ilə işləyir (məsələn, Google Chrome-un məxfilik siyasəti).
iPhone tətbiqi
iPhone tətbiqi nativ tətbiqdir və xəbər lentini birbaşa 8ulduz-un açıq məlumat fayllarından oxuyur. Tətbiqdə analitika, reklam şəbəkəsi, izləmə və hesab yoxdur; tətbiq heç bir şəxsi məlumat toplamır, serverə göndərmir və reklam identifikatorundan istifadə etmir. GoatCounter sayğacı və Google Analytics iPhone tətbiqində işləmir.
- Bildirişlər. «Son dəqiqə» bildirişi standart olaraq söndürülüb, yalnız siz Tənzimləmələrdə açıb icazə verəndə işləyir. Bildiriş cihazın özündə yaranır, heç bir serverdə abunəlik və ya cihaz identifikatoru saxlanmır. İcazəni iPhone parametrlərindən geri ala bilərsiniz.
- Konumum. Hava və namaz ekranındakı «Konumum» düyməsi iOS-un konum xidmətindən yalnız düyməyə basanda istifadə edir. Konumdan cihazda ən yaxın şəhər seçilir, konumun özü heç yerə göndərilmir. İcazəni iPhone parametrlərindən geri ala bilərsiniz.
- Vidcetlər. Son xəbərlər və bazar vidcetləri eyni açıq faylları oxuyur, heç bir şəxsi məlumat göndərmir.
- Mənbə saytları. Xəbərin tam mətni tətbiqin içindəki Safari pəncərəsində açılır; orada Safari-nin və həmin saytın qaydaları qüvvədədir.
Cihazınızda saxlanan məlumat
Seçilmiş xəbərlər, bölmə sırası, dil, tema, şrift ölçüsü və şəhər seçimi yalnız sizin cihazınızda (brauzerin yerli yaddaşında və ya tətbiqin yaddaşında) saxlanır və heç yerə göndərilmir. iPhone tətbiqində son axtarışlar da yalnız cihazda qalır. Oflayn oxumaq üçün son xəbər siyahısı da cihazda keşlənir. Bunları tətbiq parametrlərindəki «Məlumatları idarə et» bölməsindən, iPhone tətbiqində Tənzimləmələr → «Yaddaşı təmizlə» ilə və ya brauzerin sayt parametrlərindən silə bilərsiniz.
Ziyarət statistikası
Saytın neçə dəfə açıldığını bilmək üçün GoatCounter istifadə olunur. O, kuki qoymur, IP ünvanını saxlamır və istifadəçini fərdi izləmir; yalnız açılan səhifə, keçid mənbəyi, brauzer/ekran növü və ölkə kimi ümumiləşdirilmiş say görünür. Android tətbiqindən gələn ziyarətlər ayrıca «android» kimi sayılır.
Bundan başqa ümumi auditoriyanı ölçmək üçün Google Analytics 4 işlədilir. Google-un izləmə skripti yüklənmir və kuki qoyulmur: sayt açılandan sonra Google-a yalnız açılan səhifə, onun başlığı, haradan gəldiyiniz, brauzerin dili, ekran ölçüsü və bu brauzerdə saxlanan təsadüfi nömrə göndərilir. Nömrə yeni və geri qayıdan oxucunu ayırmaq üçündür, adınız, e-poçtunuz və dəqiq konumunuz yoxdur, axtardığınız söz göndərilmir. Nömrəni silmək üçün brauzerdə bu saytın məlumatlarını təmizləmək kifayətdir.
Reklam
Saytda, Android və iPhone tətbiqlərində «Reklam» işarəli banner göstərilə bilər. Bannerləri 8ulduz özü yerləşdirir: reklam şəbəkəsi, izləmə kodu, kuki və reklam identifikatoru yoxdur, sizin maraqlarınıza görə seçilmiş (fərdiləşdirilmiş) reklam göstərilmir. Bannerə basanda reklamçının saytı yeni pəncərədə açılır və orada həmin saytın qaydaları qüvvədədir. Banner şəkli reklamçının serverindən yüklənirsə, həmin server adi şəkil sorğusu kimi IP ünvanınızı görür.
Kənar xidmətlər
Bəzi bloklar məlumatı birbaşa cihazınızdan aşağıdakı xidmətlərdən alır. Bu zaman həmin xidmət adi veb sorğusu kimi IP ünvanınızı görür və öz məxfilik qaydaları tətbiq olunur.
| Xidmət | Nə üçün | Nə göndərilir |
|---|---|---|
| GitHub (8ulduz.az hostinqi, raw.githubusercontent.com) | Sayt və hər dəqiqə yenilənən xəbər siyahısı | Heç nə (ümumi sorğu) |
| Google Fonts | Şrift | Heç nə (ümumi sorğu) |
| Xəbər saytları, ESPN | Xəbər şəkilləri, komanda loqoları | Heç nə (şəkil sorğusu) |
| Google Analytics 4 | Ümumi ziyarət statistikası | Açılan səhifə, başlıq, gəlinən sayt, dil, ekran ölçüsü, təsadüfi brauzer nömrəsi |
| wsrv.nl | Xəbər şəkillərini kiçildir ki, sayt və iPhone tətbiqi tez açılsın | Yalnız şəklin ünvanı |
| Open-Meteo | Hava | Seçilmiş şəhərin koordinatları |
| aladhan.com | Namaz vaxtları | Seçilmiş şəhərin koordinatları |
| ExchangeRate-API, gold-api.com | Valyuta və metal qiymətləri | Heç nə (ümumi sorğu) |
| Brauzerin nitq tanıma xidməti (Chrome-da Google, Safari-də Apple) | Səslə axtarış | Yalnız mikrofon düyməsinə basanda danışdığınız səs. Səs bu sayta gəlmir və saxlanmır |
| Waze (kompüterdə), Yandex Xəritələr (telefonda) | Tıxac xəritəsi | Yalnız xəritə səhifəsini açanda yüklənir; konum verilibsə xəritənin mərkəzi (təxminən 1 km dəqiqliklə) |
| Brauzerin konum xidməti (iPhone tətbiqində iOS-un konum xidməti) | «Konumum» düyməsi: hava, namaz və tıxac üçün ən yaxın şəhər | Konum yalnız düyməyə basanda soruşulur, cihazınızda qalır, bu sayta göndərilmir |
| Reklamçı (banner şəkli öz serverindədirsə) | Reklam şəkli | Heç nə (şəkil sorğusu) |
| YouTube (youtube-nocookie.com) | Video | Yalnız videonu açanda yüklənir |
Xəbər başlığına basanda xəbər mənbənin öz saytında açılır; orada həmin saytın qaydaları qüvvədədir. Paylaşma düyməsi yalnız seçdiyiniz tətbiqi açır, sayt yalnız kliklərin ümumi sayını görür.
Uşaqlar
8ulduz ümumi auditoriya üçün xəbər xidmətidir və 13 yaşdan kiçik uşaqlara yönəlmir. Heç kimdən, o cümlədən uşaqlardan, şəxsi məlumat toplanmır.
Məlumatın silinməsi
Bizdə sizə aid saxlanan məlumat olmadığı üçün silinəcək hesab da yoxdur. Cihazdakı məlumatı tətbiqi silməklə və ya «Məlumatları idarə et» → «Yaddaşı təmizlə» ilə tamamilə silə bilərsiniz.
Dəyişikliklər və əlaqə
Bu siyasət dəyişərsə, yeni mətn bu səhifədə yeni tarixlə dərc olunur. Sual və müraciətlər üçün: 8ulduz.az@gmail.com və ya github.com/8ulduz/8ulduz/issues.